ទីក្រុងហូជីមិញជួយខេត្ត Nghe An ចំនួន ៨ពាន់លានដុង ដើម្បីជំនះផលវិបាកដោយព្យុះលេខ ៥

កប.អនឡាញ - នាព្រឹកថ្ងៃទី ១៩ កញ្ញា គណៈប្រតិភូគណៈកម្មាធិការបក្សទីក្រុង - ក្រុមប្រឹក្សាប្រជាជន - គណៈកម្មាធិការប្រជាជន - គណៈកម្មាធិការរណសិរ្សមាតុភូមិវៀតណាមនៃទីក្រុងហូជីមិញ បានទៅសួរសុខទុក្ខ លើកទឹកចិត្ត និងប្រគល់ថវិកាចំនួន ៨ ពាន់លានដុង ដើម្បីជួយឧបត្ថម្ភប្រជាជនខេត្ត Nghe An ដែលរងការខូចខាតក្រោយព្យុះទី ៥។

ទីក្រុង ហូជីមិញ ឧបត្ថម្ភខេត្ត Nghe An ចំនួន ៨ពាន់លានដុង ដើម្បីជំនះផលវិបាកដោយព្យុះលេខ ៥។ រូបថត៖ ផ្តល់ដោយរណសិរ្សមាតុភូមិខេត្ត Nghe An

គណៈប្រតិភូដឹកនាំដោយលោកស្រី Truong Thi Bich Hanh សមាជិកគណៈកម្មាធិការអចិន្ត្រៃយ៍នៃគណៈកម្មាធិការបក្សទីក្រុង អនុប្រធានអចិន្ត្រៃយ៍គណៈកម្មាធិការរណសិរ្សមាតុភូមិវៀតណាមនៃទីក្រុងហូជីមិញ។

ក្នុងពិធីទទួលនោះ លោក Nguyen Dinh Hung អនុប្រធានអចិន្ត្រៃយ៍គណៈកម្មាធិការរណសិរ្សមាតុភូមិវៀតណាមខេត្ត Nghe An បានថ្លែងអំណរគុណយ៉ាងជ្រាលជ្រៅចំពោះមនោសញ្ចេតនា និងការចែករំលែករបស់មន្ត្រី និងប្រជាជនទីក្រុងហូជីមិញជាមួយប្រជាជនខេត្ត Nghe An ដែលបានរងការខាតបង់ដោយសារគ្រោះធម្មជាតិ។ ទន្ទឹមនឹងនោះ លោក Nguyen Dinh Hung ក៏បានផ្តល់ព័ត៌មានបឋមអំពីការបាត់បង់ដែលបង្កឡើងដោយព្យុះ និងទឹកជំនន់ ហើយបានមានប្រសាសន៍ថា Nghe An កំពុងខិតខំប្រឹងប្រែងជំនះពុះពារលើផលវិបាក ដោយផ្តោតលើការជួសជុល និងសាងសង់ផ្ទះឡើងវិញ និងជួយដល់ជីវភាពរស់នៅ ដើម្បីជួយប្រជាជនក្នុងខេត្តមានស្ថិរភាព។

លោកស្រី Truong Thi Bich Hanh អនុប្រធានអចិន្ត្រៃយ៍គណៈកម្មាធិការរណសិរ្សមាតុភូមិវៀតណាម ទីក្រុងហូជីមិញ ប្រគល់ថវិកាចំនួន ៦០លានដុង ឧបត្ថម្ភដល់គ្រួសារមួយ ដើម្បីជួសជុលផ្ទះដែលរងការខូចខាតក្រោយខ្យល់ព្យុះលេខ៥។ រូបថត៖ ផ្តល់ដោយគណៈកម្មាធិការរណសិរ្សមាតុភូមិខេត្ត Nghe An

លើសពីនេះ គណៈប្រតិភូទីក្រុងហូជីមិញក៏បានទៅសួរសុខទុក្ខ និងលើកទឹកចិត្តប្រជាជននៅវួដ Vinh Loc ដែលជាតំបន់ដែលរងការខូចខាតយ៉ាងធ្ងន់ធ្ងរពីព្យុះលេខ៥នាពេលថ្មីៗនេះ; និងបានប្រគល់ថវិកាចំនួន ៦០លានដុង សម្រាប់ផ្គត់ផ្គង់ដល់គ្រួសារមួយ ដើម្បីជួសជុលផ្ទះរបស់ពួកគេ ដែលរងការខូចខាតយ៉ាងធ្ងន់ធ្ងរ បន្ទាប់ពីខ្យល់ព្យុះ។

ប្រភព៖ https://hanoimoi.vn/tp-ho-chi-minh-ho-tro-tinh-nghe-an-8-ty-dong-khac-phuc-hau-qua-bao-so-5-716588.html