វៀតណាមជានិច្ចកាលយកចិត្តទុកដាក់ និងមានបំណងចង់ធ្វើការជាមួយចក្រភពអង់គ្លេស ដើម្បីជំរុញទំនាក់ទំនងដៃគូយុទ្ធសាស្ត្រឱ្យស៊ីជម្រៅ និងប្រកបដោយប្រសិទ្ធភាព។

អនុរដ្ឋមន្ត្រី Seema Maholtra បានអះអាងថា ចក្រភពអង់គ្លេសចាត់ទុកវៀតណាមជាដៃគូសំខាន់ក្នុងតំបន់អាស៊ីប៉ាស៊ីហ្វិក។

អនុ រដ្ឋមន្ត្រីការបរទេស Le Thi Thu Hang និងរដ្ឋមន្ត្រីការបរទេសអង់គ្លេស Seema Maholtra។

កប.អនឡាញ - នាថ្ងៃទី ១៣ ខែតុលា (ម៉ោងក្នុងតំបន់) ក្នុងក្របខ័ណ្ឌនៃដំណើរទស្សនកិច្ចការងារនៅចក្រភពអង់គ្លេស អនុរដ្ឋមន្ត្រីការបរទេសលោកស្រី Le Thi Thu Hang បានជួបពិភាក្សាការងារជាមួយអនុរដ្ឋមន្ត្រីការបរទេសអង់គ្លេស Seema Maholtra នៅទីស្នាក់ការ ការិយាល័យការបរទេស អង់គ្លេស។

ទទួលស្វាគមន៍អនុរដ្ឋមន្ត្រី Le Thi Thu Hang និងគណៈប្រតិភូមកបំពេញការងារនៅទីក្រុងឡុងដ៍ អនុរដ្ឋមន្ត្រីការបរទេសអង់គ្លេសបានវាយតម្លៃខ្ពស់ចំពោះវឌ្ឍនភាពក្នុងទំនាក់ទំនងរវាងប្រទេសទាំងពីរនាពេលថ្មីៗនេះ រួមទាំងតួនាទីរបស់ក្រសួងការបរទេសទាំងពីរផងដែរ។

អនុរដ្ឋមន្ត្រី Seema Maholtra បានអះអាងថា ចក្រភពអង់គ្លេសចាត់ទុកវៀតណាមជាដៃគូសំខាន់ក្នុងតំបន់អាស៊ី- ប៉ាស៊ីហ្វិក ; មានបំណងចង់ពង្រឹងកិច្ចសហប្រតិបត្តិការលើគ្រប់វិស័យជាមួយវៀតណាម ជាពិសេសលើវិស័យនយោបាយ - ការទូត សន្តិសុខ ពាណិជ្ជកម្ម ហិរញ្ញវត្ថុ ការអប់រំ ការផ្លាស់ប្តូរថាមពល និងការអភិវឌ្ឍន៍ប្រកបដោយចីរភាព។

អនុរដ្ឋមន្ត្រី Le Thi Thu Hang បានថ្លែងអំណរគុណចំពោះការិយាល័យការបរទេសចក្រភពអង់គ្លេស និងស្ថានទូតអង់គ្លេសប្រចាំនៅទីក្រុងហាណូយចំពោះការសម្របសម្រួលយ៉ាងជិតស្និទ្ធក្នុងកិច្ចសហប្រតិបត្តិការទ្វេភាគី និងវេទិកាពហុភាគីក្នុងរង្វង់អាស៊ាន និងអង្គការសហប្រជាជាតិ។ អះអាងថា វៀតណាមជានិច្ចកាលយកចិត្តទុកដាក់ និងមានបំណងចង់ធ្វើការជាមួយចក្រភពអង់គ្លេស ដើម្បីជំរុញទំនាក់ទំនងដៃគូយុទ្ធសាស្ត្រឱ្យស៊ីជម្រៅ ប្រកបដោយប្រសិទ្ធភាព ស្របតាមផលប្រយោជន៍នៃប្រទេសទាំងពីរ។

ភាគីទាំងពីរបានឯកភាពបន្តសម្របសម្រួលយ៉ាងជិតស្និទ្ធ រក្សាយន្តការរវាងក្រសួងការបរទេសទាំងពីរ ដូចជាកិច្ចសន្ទនាយុទ្ធសាស្ត្រនៅថ្នាក់អនុរដ្ឋមន្ត្រី និងរវាងនាយកដ្ឋាននានាក្នុងក្រសួងការបរទេស ជំរុញតួនាទីសម្របសម្រួល បង្កើនកិច្ចសហប្រតិបត្តិការយ៉ាងទូលំទូលាយ និងប្រកបដោយប្រសិទ្ធភាព រួមទាំងរៀបចំឱ្យមានដំណើរទស្សនៈកិច្ច និងទំនាក់ទំនងកម្រិតខ្ពស់ ជំរុញការអនុវត្តប្រកបដោយប្រសិទ្ធភាពនូវឯកសារ និងកិច្ចព្រមព្រៀងដែលបានចុះហត្ថលេខារវាងភាគីទាំងពីរ ពង្រីកយ៉ាងស៊ីជម្រៅលើវិស័យប្រពៃណីនៃកិច្ចសហប្រតិបត្តិការ។

ភាគីទាំងពីរក៏បានសង្កត់ធ្ងន់លើសារៈសំខាន់នៃកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគ ដោយឈរលើមូលដ្ឋាននៃការទាញយកប្រយោជន៍ពីកិច្ចព្រមព្រៀងពាណិជ្ជកម្មទ្វេភាគី UKVFTA និង CPTPP ជំរុញកិច្ចសហប្រតិបត្តិការលើវិស័យវិទ្យាសាស្ត្រ និងបច្ចេកវិទ្យា នវានុវត្តន៍ ក៏ដូចជាវប្បធម៌ អប់រំ និងការផ្លាស់ប្តូរប្រជាជន។

ប្រភព៖ https://baoquocte.vn/viet-nam-luon-coi-trong-va-mong-muon-cung-anh-thuc-day-quan-he-doi-tac-chien-luoc-di-vao-chieu-sau-hieu-qua-331002.html