រដ្ឋមន្ត្រីការបរទេស Bui Thanh Son បានទទួលជួបឯកអគ្គរដ្ឋទូតកូរ៉េ Choi Young Sam

នារសៀលថ្ងៃទី៣១ ខែសីហា នៅទីស្នាក់ការ ក្រសួងការបរទេស រដ្ឋមន្ត្រីការបរទេស Bui Thanh Son បានទទួលជួបឯកអគ្គរដ្ឋទូតកូរ៉េប្រចាំនៅវៀតណាម Choi Young Sam ក្នុងឱកាសដែលលោកអញ្ជើញមកបំពេញភារកិច្ច។

Bộ trưởng Ngoại giao Bùi Thanh Sơn tiếp Đại sứ Hàn Quốc Choi Young Sam

រដ្ឋមន្ត្រីការបរទេស Bui Thanh Son បានទទួលជួបឯកអគ្គរដ្ឋទូតកូរ៉េ Choi Young Sam។ (រូបថត៖ ង្វៀន ហុង)

ក្នុងពិធីទទួលនោះ រដ្ឋមន្ត្រី Bui Thanh Son បានអបអរសាទរឯកអគ្គរដ្ឋទូត Choi Young Sam ដែលបានមកបំពេញភារកិច្ចនៅវៀតណាម ក្នុងពេលដែលទំនាក់ទំនងរវាងប្រទេសទាំងពីរស្ថិតក្នុងដំណាក់កាលអភិវឌ្ឍន៍ល្អបំផុត ហើយភ្លាមៗបន្ទាប់ពីប្រទេសទាំងពីរបានលើកកំពស់ទំនាក់ទំនងទៅជា “ភាពជាដៃគូយុទ្ធសាស្ត្រគ្រប់ជ្រុងជ្រោយ”។

ប្រធានក្រសួងការបរទេសវៀតណាមជឿជាក់ថា ក្នុងអាណត្តិរបស់លោក ឯកអគ្គរដ្ឋទូតនឹងខិតខំជំរុញទំនាក់ទំនងល្អរវាងប្រទេសទាំងពីរឱ្យអភិវឌ្ឍយ៉ាងទូលំទូលាយលើគ្រប់វិស័យ។ បានបញ្ជាក់ថា ក្រសួងការបរទេស នឹងចូលរួមយ៉ាងសកម្មជាមួយ និងគាំទ្រឯកឧត្តមឯកអគ្គរដ្ឋទូត ក្នុងការបំពេញភារកិច្ចដែលបានប្រគល់ជូនដោយជោគជ័យ។

ឯកឧត្តមរដ្ឋមន្ត្រីបានស្នើឱ្យភាគីទាំងពីរសម្របសម្រួលអនុវត្តប្រកបដោយប្រសិទ្ធភាពនូវការយល់ឃើញ និងកិច្ចព្រមព្រៀងដែលបានចុះហត្ថលេខារវាងថ្នាក់ដឹកនាំជាន់ខ្ពស់នៃប្រទេសទាំងពីរ រួមទាំងការអនុវត្តប្រកបដោយប្រសិទ្ធភាពនៃ "កម្មវិធីសកម្មភាពអនុវត្តភាពជាដៃគូយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរ"។

រីឯខ្លួនវិញ លោកឯកអគ្គរដ្ឋទូត Choi Young Sam បានសម្តែងនូវកិត្តិយសក្នុងការទទួលតួនាទីជាឯកអគ្គរដ្ឋទូតប្រចាំនៅវៀត ណាម ដែល ជាដៃគូដ៏សំខាន់បំផុតមួយរបស់កូរ៉េ។ និងបានអះអាងថា លោកនឹងប្រឹងប្រែងឱ្យអស់ពីសមត្ថភាព ដើម្បីរួមចំណែកលើកកម្ពស់ទំនាក់ទំនងទ្វេភាគីឱ្យអភិវឌ្ឍយ៉ាងសំខាន់ និងប្រកបដោយប្រសិទ្ធភាព។

ឯកអគ្គរដ្ឋទូតកូរ៉េបានសម្តែងនូវបំណងចង់សហការយ៉ាងជិតស្និទ្ធជាមួយក្រសួងការបរទេស ក៏ដូចជាស្ថាប័នពាក់ព័ន្ធរបស់វៀតណាម ដើម្បីអនុវត្តកិច្ចព្រមព្រៀងសហប្រតិបត្តិការរវាងប្រទេសទាំងពីរ រួមមាន ពាណិជ្ជកម្ម ការវិនិយោគ សន្តិសុខ និងការពារជាតិ កម្លាំងពលកម្ម ការបណ្តុះបណ្តាលធនធានមនុស្ស ការឆ្លើយតបនឹងការប្រែប្រួលអាកាសធាតុ។ល។ ទន្ទឹមនឹងនោះ ជំរុញកិច្ចសហប្រតិបត្តិការជាមួយវៀតណាមក្នុងវេទិកាអន្តរជាតិ និងតំបន់ រួមទាំងគាំទ្រវៀតណាមក្នុងការបំពេញតួនាទីរបស់ខ្លួនប្រកបដោយជោគជ័យក្នុងនាមជាអ្នកសម្របសម្រួលទំនាក់ទំនងអាស៊ាន-កូរ៉េសម្រាប់អាណត្តិ ២០២១-២០២៤។

ប្រភព