ឆេះផ្ទះទាំងព្រឹកព្រលឹម ស្លាប់២នាក់

នៅព្រឹកព្រលឹមថ្ងៃទី 28 ឧសភា អគ្គីភ័យបានឆាបឆេះផ្ទះមួយខ្នងនៅភូមិ Da Nam ឃុំ Yen Phu ស្រុក Yen Dinh ដោយបានសម្លាប់មនុស្ស 2 នាក់ ។

ផ្ទះដែលអគ្គីភ័យឆាបឆេះ

យោងតាមព័ត៌មានពីនាយកដ្ឋាននគរបាលបង្ការ និងពន្លត់អគ្គីភ័យ នៃស្នងការដ្ឋាននគរបាលខេត្ត Thanh Hoa បានឲ្យដឹងថា នៅវេលាម៉ោង៦ និង៤៥នាទីព្រឹក ថ្ងៃទី២៨ ខែឧសភា មជ្ឈមណ្ឌលលេខ១១៤ បានទទួលសេចក្តីរាយការណ៍ពីប្រជាពលរដ្ឋអំពីអគ្គិភ័យឆេះផ្ទះមួយខ្នងនៅភូមិ Da Nam ឃុំ Yen Phu ស្រុក Yen Dinh ។ តាមរបាយការណ៍របស់នគរបាលសង្កាត់បានឲ្យដឹងថា នៅពេលមានអគ្គិភ័យកើតឡើងមានមនុស្ស២នាក់ក្នុងផ្ទះ ។

ក្រោយទទួលបានដំណឹងនេះ ក្រុមពន្លត់អគ្គិភ័យ និងសង្គ្រោះតំបន់៤ បានបញ្ជូនរថយន្តពន្លត់អគ្គិភ័យចំនួន២គ្រឿង ដោយមានមន្ត្រី និងអាវុធហត្ថចុះទៅដល់កន្លែងកើតហេតុ ដោយមានការសម្របសម្រួលជាមួយកម្លាំងមូលដ្ឋាន និងដាក់ពង្រាយវិធានការពន្លត់ និងជួយសង្គ្រោះ។

ឆេះផ្ទះទាំងព្រឹកព្រលឹម ស្លាប់២នាក់

កម្លាំងនគរបាលពន្លត់អគ្គិភ័យ និងសង្គ្រោះបានបញ្ជូនរថយន្ត និងឧបករណ៍មកបាញ់ពន្លត់ ។

គិតត្រឹមម៉ោង៨និង២០នាទីព្រឹកថ្ងៃដដែល អគ្គិភ័យបានរលត់ទាំងស្រុងហើយ ។ ទោះបីជាយ៉ាងណាក៏ដោយ មនុស្សពីរនាក់នៅក្នុងផ្ទះត្រូវបានបញ្ជាក់ថាបានស្លាប់គឺ MTY (កើតនៅឆ្នាំ 1978) និង D.VT (កើតនៅឆ្នាំ 1968) ។

សមត្ថកិច្ចកំពុងស្រាវជ្រាវរកមូលហេតុ និងចាត់ការតាមច្បាប់ ។

ម៉ាញ គឿង

ប្រភព