កម្មវិធីផ្លាស់ប្តូរនេះគឺជាសកម្មភាពជាក់ស្តែង ដើម្បីឆ្លើយតបនឹងការអនុវត្តគម្រោង “គ្រួសារវៀតណាមជាមួយនិស្សិតឡាវ និងកម្ពុជាដែលកំពុងសិក្សានៅទីក្រុងហូជីមិញ ដំណាក់កាល ២០២១ - ២០២៥” ដែលដាក់ពង្រាយដោយគណៈកម្មាធិការ រណសិរ្សមាតុភូមិ វៀតណាមនៃទីក្រុងហូជីមិញ។

គណៈប្រតិភូបានទៅទស្សនាផ្ទះប្រពៃណីរបស់កងពលលេខ៩ កងពលលេខ៤។

នៅក្នុងកម្មវិធីនោះ អតីតយុទ្ធជនបានចូលរួមសន្ទនាប្រពៃណី ចែករំលែកអនុស្សាវរីយ៍ជាច្រើនអំពីដំណើរការតស៊ូជួយប្រទេសជិតខាងរំដោះប្រទេសជាតិ បញ្ជាក់ពីចំណងសាមគ្គីភាព ភក្តីភាព និងស្ថិរភាពរវាងប្រទេសទាំងបី វៀតណាម-ឡាវ-កម្ពុជា។ ក្នុងឱកាសនេះ និស្សិតឡាវ និងកម្ពុជាបានទៅទស្សនាបន្ទាយ ស្វែងយល់ពីបរិយាកាសសិក្សា ការងារ និងជីវភាពរស់នៅរបស់យោធិនកងពលលេខ៩ កងពលលេខ៤។​ ទន្ទឹមនឹងនោះ ការផ្លាស់ប្តូរវប្បធម៌ និងសិល្បៈជាមួយនាយទាហាន និងយោធិនកងពលលេខ៩ បង្កើតទំនាក់ទំនងរវាងយុវជនជំនាន់ក្រោយនៃប្រទេសទាំងបី វៀតណាម-ឡាវ-កម្ពុជា។

កម្មវិធីផ្លាស់ប្តូរវប្បធម៌រវាងនិស្សិតឡាវ និងកម្ពុជា និងទាហានកងពលលេខ៩។

លោកវរសេនីយ៍ឯក Nguyen Huu Thang ស្នងការនយោបាយនៃកងពលលេខ៩ បានមានប្រសាសន៍ថា៖ “កម្មវិធីផ្លាស់ប្តូរនេះជួយអង្គភាពរួមចំណែកជំរុញការអភិវឌ្ឍន៍លើគ្រប់ជ្រុងជ្រោយ និងនិរន្តរភាពនៃទំនាក់ទំនងសហប្រតិបត្តិការរវាងវៀតណាម ឡាវ និងកម្ពុជា ដោយហេតុនោះ បង្កើតទំនាក់ទំនងរវាងនាយទាហាន នាយទាហានរងនៃកងពលលេខ៩ ជាមួយអតីតយុទ្ធជនទីក្រុងហូជីមិញ គ្រួសារវៀតណាមជាមួយនិស្សិតឡាវ និងកម្ពុជា ជំរុញទំនាក់ទំនងមិត្តភាព និងកិច្ចសហប្រតិបត្តិការរវាងប្រទេសជាបងប្អូន។

ព័ត៌មាន និងរូបភាព៖ BABY NGAN - TUAN VU

*សូមចូលទៅកាន់ផ្នែក វប្បធម៌ ដើម្បីមើលព័ត៌មាន និងអត្ថបទពាក់ព័ន្ធ។