កម្ពុជាបណ្តេញតំណាង Facebook ប្រកាសបញ្ឈប់សកម្មភាពទាំងអស់ ហេតុអ្វី?

ក្រសួងប្រៃសណីយ៍ និងទូរគមនាគមន៍កម្ពុជា បានប្រកាសថា នឹងបណ្ដេញតំណាងក្រុមហ៊ុន Facebook និងបញ្ឈប់រាល់សកម្មភាពនានា ដូចជាតំណាងក្រុមហ៊ុន ទំនាក់ទំនងរដ្ឋាភិបាល និងភាពជាដៃគូក្នុងវិស័យឯកជននៅកម្ពុជា ចាប់ពីថ្ងៃទី៣០ ខែមិថុនា ឆ្នាំ២០២៣ តទៅ។ លោកនាយករដ្ឋមន្ត្រី ហ៊ុន សែន ក៏បានប្រកាសបិទទំព័រ Facebook ដែលមានអ្នកតាមដានជាង ១៤លាននាក់ផងដែរ។

Thủ tướng Campuchia Hun Sen có hơn 14 triệu người theo dõi trên trang fanpage Facebook.

លោកនាយករដ្ឋមន្ត្រី ហ៊ុន សែន មានអ្នក Follow ជាង១៤លាននាក់នៅលើហ្វេសប៊ុករបស់លោក។

សារព័ត៌មាន Fresh News បានដកស្រង់សេចក្តីប្រកាសព័ត៌មាននៅល្ងាចថ្ងៃទី៣០ ខែមិថុនា ដោយបញ្ជាក់ថា៖ «ក្រសួងប្រៃសណីយ៍ និងទូរគមនាគមន៍កម្ពុជា សូមជម្រាបជូនសាធារណជនថា ក្រសួងបានពិនិត្យភាពមិនប្រក្រតីនៃសេវាកម្ម Facebook ដែលផ្តល់ជូនអ្នកប្រើប្រាស់នៅកម្ពុជា ដូចជាការបង្កើតគណនីក្លែងក្លាយ ហានិភ័យចំពោះឯកជនភាព ការប្រើប្រាស់ និងការប្រមូលទិន្នន័យឯកជន ការផ្សព្វផ្សាយព័ត៌មានមិនពិត កង្វះគណនេយ្យភាព និងតម្លាភាពក្នុងវិស័យ នយោបាយ ។

ដូច្នេះហើយ ទើបក្រសួងសម្រេចបណ្តេញតំណាង ក្រុមហ៊ុន Facebook ចេញពីប្រទេសកម្ពុជា និងបញ្ឈប់រាល់សកម្មភាពជាតំណាងក្រុមហ៊ុន ទំនាក់ទំនងជាមួយ រដ្ឋាភិបាល ក៏ដូចជាភាពជាដៃគូវិស័យឯកជននៅកម្ពុជាចាប់ពីពេលនេះតទៅ។

ជាមួយគ្នានេះ បើតាមសារសំឡេងពិសេសដែលបានផ្ញើនៅថ្ងៃដដែលនោះ លោកនាយករដ្ឋមន្ត្រី ហ៊ុន សែន បានប្រកាសថា លោកនឹងមិនបិទ Facebook នៅក្នុងប្រទេសនោះទេ ដោយសារតែតម្រូវការរបស់ប្រជាជន។

មេដឹកនាំកម្ពុជារូបនេះបាននិយាយថា លោកសម្រេចបិទទំព័រ ហ្វេសប៊ុក របស់លោកដោយសារតែការបំពានគណនីរបស់លោកជាមួយនឹងការបង្ហោះក្លែងក្លាយ។ លោកបានបន្ថែមថា ការសម្រេចចិត្តលុបគណនីរបស់លោកគឺជាការឆ្លើយតបទៅនឹង Meta ដែលជាក្រុមហ៊ុនមេរបស់ Facebook ដោយផ្អាកទំព័រ របស់លោក រយៈពេល ៦ ខែ។

លោកនាយករដ្ឋមន្ត្រី ហ៊ុន សែន សម្តែងការមិនពេញចិត្តចំពោះក្រុមប្រឹក្សាត្រួតពិនិត្យមេតា ចំពោះភាពលម្អៀងរបស់ខ្លួន នៅពេលដែលបក្សប្រឆាំងប្រើភាសាញុះញង់ និងប្រមាថព្រះមហាក្សត្រ ប៉ុន្តែ មេតា មិនចាត់វិធានការអ្វីឡើយ។

លោកនាយករដ្ឋមន្ត្រី ហ៊ុន សែន ថ្លែងថា លោកបានប្រើបណ្ដាញសង្គមផ្សេងទៀតដើម្បីផ្ញើសារទៅប្រជាពលរដ្ឋ ដូច្នេះលោកលែងពឹងលើ Facebook ទៀតហើយ។

គាត់ ក៏បាននិយាយផងដែរថាអ្នកតាមគាត់អាចភ្ជាប់ទៅគណនីថ្មីនៅលើ Telegram ។ ដោយពន្យល់ពីមូលហេតុនៃការប្តូរទៅបណ្តាញនេះ នាយករដ្ឋមន្ត្រីកម្ពុជាបានលើកឡើងថា បណ្តាញសង្គមនេះមានប្រសិទ្ធភាពក្នុងការទំនាក់ទំនង និងមានកម្រិតសុវត្ថិភាពខ្ពស់ជាង Facebook ។

ប្រភព