ឧត្តមសេនីយ៍ឯក Hoang Xuan Chien បានទទួលជួបឯកអគ្គរដ្ឋទូតនៃព្រះរាជាណាចក្របែលហ្សិកប្រចាំនៅវៀតណាម

(VOVWORLD) -នាព្រឹកថ្ងៃទី៩ ខែមេសា នៅទីស្នាក់ការ ក្រសួងការពារជាតិ ឧត្តមសេនីយ៍ឯក Hoang Xuan Chien សមាជិកគណៈកម្មាធិការមជ្ឈិមបក្ស អនុរដ្ឋមន្ត្រីក្រសួងការពារជាតិបានទទួលជួប និងធ្វើការជាមួយឯកអគ្គរដ្ឋទូតនៃព្រះរាជាណាចក្របែលហ្សិកប្រចាំនៅវៀតណាម លោក Karl Van Den Bossche។

ឧត្តមសេនីយ៍ឯក Hoang Xuan Chien និងឯកអគ្គរដ្ឋទូត Karl Van Den Bossche ។

ឧត្តមសេនីយឯក Hoang Xuan Chien បានបញ្ជាក់ថា វៀតណាមជាប្រទេសដែលរងផលប៉ះពាល់យ៉ាងខ្លាំងពីសង្គ្រាម ការជំនះផលវិបាកនៃសង្គ្រាមគឺជាបញ្ហាដែលវៀតណាមយកចិត្តទុកដាក់យ៉ាងខ្លាំង និងមានបំណងចង់ជំរុញកិច្ចសហប្រតិបត្តិការអន្តរជាតិ។ នាពេលថ្មីៗនេះ កិច្ចសហប្រតិបត្តិការរវាងវៀតណាម និងព្រះរាជាណាចក្របែលហ្ស៊ិកលើវិស័យជំនះពុះពារលើផលវិបាកនៃសារធាតុពណ៌ទឹកក្រូច/ឌីអុកស៊ីត ទទួលបានលទ្ធផលគួរឲ្យកត់សម្គាល់។

នៅក្នុងជំនួបនេះ ឧត្តមសេនីយឯក Hoang Xuan Chien និងឯកអគ្គរដ្ឋទូត Karl Van Den Bossche បានពិភាក្សាអំពីលទ្ធភាពនៃកិច្ចសហប្រតិបត្តិការក្នុងការព្យាបាល dioxin នៅតំបន់កខ្វក់របស់វៀតណាម រួមទាំងអាកាសយានដ្ឋាន Phu Cat (Binh Dinh) ផងដែរ។ ដោយវាយតម្លៃថា វៀតណាម និងព្រះរាជាណាចក្របែលហ្ស៊ិកនៅតែមានសក្ដានុពលជាច្រើនសម្រាប់កិច្ចសហប្រតិបត្តិការលើវិស័យផ្សេងៗ ឧត្តមសេនីយឯក Hoang Xuan Chien សង្ឃឹមថា ភាគីទាំងពីរនឹងយកចិត្តទុកដាក់ថែមទៀតចំពោះកិច្ចសហប្រតិបត្តិការលើវិស័យការពារជាតិលើវិស័យដូចជា កងទ័ពជើងទឹក ពេទ្យយោធា ការចូលរួមក្នុងប្រតិបត្តិការ រក្សាសន្តិភាព របស់អង្គការសហប្រជាជាតិ។ល។

កន្លែងទទួលភ្ញៀវ។

រីឯខ្លួនវិញ លោកឯកអគ្គរដ្ឋទូត Karl Van Den Bossche បានវាយតម្លៃថា ទំនាក់ទំនងរវាងប្រទេសទាំងពីរមានការអភិវឌ្ឍន៍យ៉ាងខ្លាំងក្លានាពេលថ្មីៗនេះ ព្រមទាំងបានសម្តែងការឯកភាពជាមួយនឹងទស្សនៈរបស់ឧត្តមសេនីយឯក Hoang Xuan Chien លើវិស័យសហប្រតិបត្តិការដែលភាគីទាំងពីរត្រូវយកចិត្តទុកដាក់។ លោកឯកអគ្គរដ្ឋទូត Karl Van Den Bossche ក៏បានសង្កត់ធ្ងន់ថា ការអនុម័តរបស់សភាតំណាងរាស្រ្តបែលហ្ស៊ិកចំពោះដំណោះស្រាយអំពាវនាវការជួយជនរងគ្រោះដោយសារជាតិពណ៌ទឹកក្រូចវៀតណាមក្នុងខែតុលា ឆ្នាំ២០២៣ បានរួមចំណែកជំរុញការយកចិត្តទុកដាក់របស់សហគមន៍អន្តរជាតិ និងអំពាវនាវដល់ប្រទេសនានាជួយឧបត្ថម្ភជនរងគ្រោះដោយសារជាតិពណ៌ទឹកក្រូចវៀតណាម។

ដោយសម្តែងការគោរព និងវាយតម្លៃខ្ពស់ចំពោះសភាតំណាងប្រទេសបែលហ្ស៊ិក ដែលជាសភាដំបូងគេលើ ពិភពលោក បានអនុម័តសេចក្តីសម្រេចចិត្តស្តីពីជនរងគ្រោះដោយជាតិគីមីពុលពណ៌ទឹកក្រូច ឧត្តមសេនីយឯក Hoang Xuan Chien បានអះអាងថា នេះគឺជាដំណោះស្រាយដ៏សំខាន់ និងមានន័យសម្រាប់វៀតណាម។

Thuy Linh - វិបផតថលព័ត៌មានក្រសួងការពារជាតិ

ប្រភព