ទស្សនាឃ្លីប៖
នៅល្ងាចថ្ងៃទី២១ ខែវិច្ឆិកា នាយកដ្ឋានស៊ើបអង្កេតបទល្មើសព្រហ្មទណ្ឌ នៃនគរបាលខណ្ឌ៨ សហការជាមួយនគរបាលក្រុងហូជីមិញ បានឃាត់ខ្លួន ជនសង្ស័យ ជាបណ្ដោះអាសន្ន ដើម្បីយកចម្លើយ។ ព័ត៌មានលម្អិតអំពីជនសង្ស័យនេះមិនត្រូវបានគេប្រកាសទេ ប៉ុន្តែគេកំណត់ថាគាត់ជាអ្នកស្គាល់គ្នាជាមួយគ្រួសារជនរងគ្រោះ។
អត្តសញ្ញាណជនរងគ្រោះដែលស្លាប់ដំបូងមានឈ្មោះ ឌី (អាយុ៣២ឆ្នាំ) និងកូន២នាក់ ឈ្មោះ ភី (កូនរបស់នាង ឌី) និងឈ្មោះ ខេ (នាង ឌី ទទួលបន្ទុកនៅផ្ទះ)។
តាមរយៈការស្រង់រូបភាពកាមេរ៉ាសុវត្ថិភាពនៅជុំវិញកន្លែងកើតហេតុបង្ហាញថានៅម៉ោងប្រហែល៤និង៣៥នាទីរសៀល ។ កាលពីថ្ងៃទី២១ ខែវិច្ឆិកា យុវជនម្នាក់ ស្លៀកពាក់ជាអ្នករត់ម៉ូតូឌុប ពាក់ម៉ាសបិទមុខ ដឹកសាំងមួយកំប៉ុងធំ (២០លីត្រ) ចូលកណ្តាលរថយន្ត ហើយមកដល់មុខផ្លូវលេខ២៦០ លូហួភឿក សង្កាត់១៥ ខណ្ឌ៨។
លុះដល់ផ្លូវចូលផ្ទះ បុរសនោះបានឈប់រថយន្ត ហើយបានប្រើទូរស័ព្ទ រួចក៏បើកចូលទៅក្នុងផ្លូវនោះ ។
តាមការស៊ើបអង្កេតបឋមបានឲ្យដឹងថា ពេលចូលដល់ផ្ទះជននេះបានប្រើកាំបិតចាក់នាង ឌី បណ្តាលឲ្យរងរបួសដើមទ្រូង។ បន្ទាប់មក ជនសង្ស័យបានចាក់សោទ្វារ រួចចាក់សាំងដុតផ្ទះ ដើម្បីបំផ្លាញវត្ថុតាង។ នៅពេលកើតហេតុ ក្រៅពីអ្នកស្រី ឌី មានកូន២នាក់ទៀតនៅក្នុងផ្ទះ ។
ឮសំឡេងស្រែកផ្អើលអ្នកជិតខាងស្ទុះរត់ដេញតាម តែជនសង្ស័យបានរត់គេចខ្លួនបាត់ បន្សល់ទុកម៉ូតូចោល ។ អ្នកជិតខាងឃើញផ្ទះត្រូវភ្លើងឆេះ តែមិនអាចជួយបានទេ ព្រោះទ្វារចាក់សោ ។
ពេលកម្លាំងជំនាញពន្លត់អគ្គិភ័យចុះដល់កន្លែងកើតហេតុបានបាញ់ពន្លត់យ៉ាងលឿន ។ ទោះបីជាយ៉ាងណា ទាំងអ្នកស្រី ឌី និងកូនទាំងពីរបានស្លាប់។
គេដឹងថា ជនសង្ស័យត្រូវចាប់ខ្លួនបាន១ម៉ោងក្រោយពីប្រព្រឹត្តបទល្មើស ។ ទីភ្នាក់ងារកំពុងស៊ើបអង្កេត និងធ្វើសេចក្តីថ្លែងការណ៍។
ប្រភព
Kommentar (0)