អភិវឌ្ឍភាពជាដៃគូយុទ្ធសាស្ត្រវៀតណាម-អង់គ្លេសឱ្យកាន់តែមានប្រសិទ្ធភាព និងទូលំទូលាយ

ក្នុងជំនួបសន្ទនាតាមទូរស័ព្ទនាពេលថ្មីៗនេះ រដ្ឋមន្ត្រីការបរទេស នៃប្រទេសទាំងពីរវៀតណាម និងអង់គ្លេសបានសម្តែងការពេញចិត្តចំពោះការអភិវឌ្ឍន៍ប្រកបដោយប្រសិទ្ធភាព និងទូលំទូលាយនៃទំនាក់ទំនងភាពជាដៃគូយុទ្ធសាស្ត្រវៀតណាម-អង់គ្លេសក្នុងរយៈពេលថ្មីៗនេះ។

រដ្ឋមន្ត្រីការបរទេស Bui Thanh Son និងរដ្ឋមន្ត្រីការបរទេស និងអភិវឌ្ឍន៍ចក្រភពអង់គ្លេស David Cameron បានឯកភាពថា ភាគីទាំងពីរត្រូវបន្តបង្កើនការផ្លាស់ប្តូរគណៈប្រតិភូ ជាពិសេសគណៈប្រតិភូជាន់ខ្ពស់ អនុវត្តប្រកបដោយប្រសិទ្ធភាពនូវយន្តការសហប្រតិបត្តិការដែលមានស្រាប់ ដូចជា កិច្ចសន្ទនាយុទ្ធសាស្ត្រ កិច្ចសន្ទនាគោលនយោបាយការពារជាតិ គណៈកម្មាធិការសហប្រតិបត្តិការពាណិជ្ជកម្មរួម (JETCO) ជាដើម។ កសាង និងអនុវត្តផែនការសកម្មភាពវៀតណាម-អង់គ្លេស ដំណាក់កាល ២០២៤-២០២៦ ប្រកបដោយប្រសិទ្ធភាព។ និងពង្រឹងការសម្របសម្រួល និងការគាំទ្រគ្នាទៅវិញទៅមកនៅអង្គការ និងវេទិកាតំបន់ និងពហុភាគី។

Bộ trưởng Ngoại giao Bùi Thanh Sơn. — រដ្ឋមន្ត្រីក្រសួងការបរទេស Bui Thanh Son។

អំពីកិច្ចសហប្រតិបត្តិការសេដ្ឋកិច្ច លោករដ្ឋមន្ត្រី Bui Thanh Son បានអះអាងថា វៀតណាមគាំទ្រចក្រភពអង់គ្លេសក្នុងដំណើរការចូលរួមកិច្ចព្រមព្រៀងគ្រប់ជ្រុងជ្រោយ និងជឿនលឿនសម្រាប់ភាពជាដៃគូអន្តរ ប៉ាស៊ីហ្វិក (CPTPP) ដោយជឿជាក់ថា នេះជាកម្លាំងចលករថ្មីសម្រាប់ប្រទេសទាំងពីរជំរុញកិច្ចសហប្រតិបត្តិការលើវិស័យពាណិជ្ជកម្ម និងវិនិយោគ ព្រមទាំងជំរុញទំនាក់ទំនងសេដ្ឋកិច្ចនៅកម្រិតតំបន់។

រដ្ឋមន្ត្រីទាំងពីរបានឯកភាពបន្តអនុវត្តយ៉ាងពេញលេញ និងប្រកបដោយប្រសិទ្ធភាពនូវកិច្ចព្រមព្រៀងពាណិជ្ជកម្មសេរីវៀតណាម-អង់គ្លេស (UKVFTA) ដើម្បីរួមចំណែកដល់គោលដៅអភិវឌ្ឍន៍ សេដ្ឋកិច្ច របស់ប្រទេសនីមួយៗ។

វាយតំលៃខ្ពស់ចំពោះលទ្ធផលនៃកិច្ចសហប្រតិបត្តិការនាពេលថ្មីៗនេះ រដ្ឋមន្ត្រី David Cameron បានអះអាងថា ចក្រភពអង់គ្លេសយកចិត្តទុកដាក់ក្នុងការពង្រឹងភាពជាដៃគូយុទ្ធសាស្ត្រជាមួយវៀតណាម។ សង្កត់ធ្ងន់ថា ចក្រភពអង់គ្លេសនឹងបន្តរួមដំណើរ និងជួយវៀតណាមក្នុងការអភិវឌ្ឍន៍សេដ្ឋកិច្ចប្រកបដោយចីរភាព។ និងស្នើឱ្យប្រទេសទាំងពីរបន្តជំរុញកិច្ចសហប្រតិបត្តិការលើបញ្ហាចំណាកស្រុក ការគ្រប់គ្រងអន្តោប្រវេសន៍ និងការទប់ស្កាត់ និងប្រយុទ្ធប្រឆាំងនឹងការធ្វើចំណាកស្រុកខុសច្បាប់។

រដ្ឋមន្ត្រី Bui Thanh Son បានអះអាងថា វៀតណាមនឹងជំរុញយ៉ាងសកម្មកម្មវិធីសហប្រតិបត្តិការសំខាន់ៗរវាងអាស៊ាន និងអង់គ្លេស ក្នុងតួនាទីជាអ្នកសម្របសម្រួលទំនាក់ទំនងអាស៊ាន-អង់គ្លេស ដំណាក់កាល ២០២៤-២០២៧។

ទាក់ទិននឹងបញ្ហាសមុទ្រខាងកើត ភាគីទាំងពីរបានអះអាងគាំទ្រចំពោះការរក្សាសន្តិភាព ស្ថិរភាព សេរីភាពនាវាចរណ៍ និងសន្តិសុខអាកាសចរណ៍ ព្រមទាំងការដោះស្រាយជម្លោះនៅសមុទ្រខាងកើតដោយសន្តិវិធី ឈរលើមូលដ្ឋានច្បាប់អន្តរជាតិ និងអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS 1982)។

ប្រភព