នាថ្ងៃទី ១៧ ខែធ្នូ នៅទីស្នាក់ការកណ្តាល របស់សាជីវកម្មផ្លូវដែកវៀតណាម ពិធីចុះហត្ថលេខាលើអនុស្សរណៈយោគយល់គ្នាបានប្រព្រឹត្តទៅរវាងក្រុមហ៊ុន China Railway Signal Group Co., Ltd. និងសាជីវកម្មផ្លូវដែកវៀតណាម។
អញ្ជើញចូលរួមក្នុងពិធីនេះ មានលោក O Quoc Quyen ទីប្រឹក្សាស្ថានទូតនៃសាធារណៈរដ្ឋប្រជាមានិតចិនប្រចាំនៅវៀតណាម លោក Lau Te Luong ប្រធានក្រុមប្រឹក្សាភិបាល China Railway Signal Group Co., Ltd., លោក Dang Sy Manh ប្រធានក្រុមប្រឹក្សាភិបាលនៃសាជីវកម្មផ្លូវដែកវៀតណាម លោក Hoang Gia Khanh តំណាងអគ្គនាយកនៃសាជីវកម្មផ្លូវដែកវៀតណាម និងសហគ្រាសទាំងពីរ។
អនុស្សរណៈនៃការយោគយល់គ្នានេះសង្កត់ធ្ងន់ទៅលើបំណងប្រាថ្នារបស់ភាគីទាំងពីរក្នុងកិច្ចសហប្រតិបត្តិការលើវិស័យដូចជា ការអភិវឌ្ឍន៍ ការសាងសង់ ប្រតិបត្តិការ ការគ្រប់គ្រង និងការបណ្តុះបណ្តាលគម្រោងនានាទាក់ទងនឹងការដឹកជញ្ជូនផ្លូវដែករបស់វៀតណាម។ ភាគីទាំងពីរបានឯកភាពជ្រើសរើសបញ្ហាកិច្ចសហប្រតិបត្តិការជាអាទិភាពរួមមាន៖ ការធ្វើផែនការ ការប្រឹក្សាបច្ចេកទេស ការប្រឹក្សាលើការអនុវត្ត ការសាងសង់ ការបណ្តុះបណ្តាលបុគ្គលិកបច្ចេកទេស ឬបុគ្គលិកប្រតិបត្តិការពាក់ព័ន្ធលើប្រព័ន្ធព័ត៌មាន និងសញ្ញា។
ថ្លែងមតិក្នុងពិធី លោក Dang Sy Manh ប្រធានសាជីវកម្មផ្លូវដែកវៀតណាមបានសម្តែងក្តីសង្ឃឹមថា ពិធីចុះហត្ថលេខាថ្ងៃនេះនឹងជាការចាប់ផ្ដើមដ៏ល្អ បើកឱកាសជាច្រើនសម្រាប់កិច្ចសហប្រតិបត្តិការជាក់ស្តែង និងជាក់លាក់ បន្តប្រពៃណីទំនាក់ទំនងជិតស្និទ្ធ និងសហប្រតិបត្តិការរវាងសហគ្រាសនៃប្រទេសទាំងពីរក្នុងវិស័យផ្លូវដែកនិយាយរួម និងរវាងសាជីវកម្មផ្លូវដែកវៀតណាម និង China Railway Signal and Information Group ជាពិសេស។
Kommentar (0)