ពិធីគោរពវិញ្ញាណក្ខន្ធ និងបួងសួងដល់ដួងវិញ្ញាណក្ខន្ធ នៃយុទ្ធជនពលី

(VOVWORLD) - នារសៀលថ្ងៃទី២៦ ខែសីហា នៅទីបញ្ចុះសពទុក្ករជនខេត្ត Dong Nai នៅឃុំ Dong Tam គណៈកម្មាធិការប្រតិបត្តិនៃគណៈសង្ឃពុទ្ធសាសនាវៀតណាមនៃខេត្តបានសម្របសម្រួលជាមួយគណៈកម្មាធិការអចិន្ត្រៃយ៍រណសិរ្សមាតុភូមិវៀតណាមនៃខេត្ត មន្ទីរ អង្គភាព និងវិស័យនានារៀបចំពិធីសូត្រមន្តឧទ្ទិសកុសលជូនវិញ្ញាណក្ខន្ធវីរជនយុទ្ធជនពលីក្នុងឱកាសរំលឹកខួបអនុស្សាវរីយ៍លើកទី ៨ នៃទិវាសាធារណៈរដ្ឋសង្គមនិយមវៀតណាម។ (ថ្ងៃទី 2 ខែកញ្ញា ឆ្នាំ 1945 ដល់ថ្ងៃទី 2 ខែកញ្ញា ឆ្នាំ 2025)។

ក្នុងបរិយាកាសដ៏ឱឡារិក គណៈប្រតិភូបានអុជធូប និងគោរពវិញ្ញាណក្ខន្ធមួយនាទី ដើម្បីរំលឹកដល់វិញ្ញាណក្ខន្ធនៃយុទ្ធជនពលី។

គណៈប្រតិភូ អុជធូប និងគោរពវិញ្ញាណក្ខន្ធ ដល់យុទ្ធជនពលី។ រូបថត៖ Truong Hien

តាមរយៈការប្រមូលព័ត៌មាន ចាប់ពីដើមខែសីហា រហូតមកដល់ពេលនេះ ក្រុម K72 មន្ទីរ នយោបាយ បញ្ជាការដ្ឋានយោធភូមិភាគខេត្ត Dong Nai បានដាក់ពង្រាយការងារស្រាវជ្រាវ ជីកកកាយ និងប្រមូលផ្ដុំអដ្ឋិធាតុរបស់យុទ្ធជនពលីចំនួន៣០រូប។ ផ្អែកលើការសំយោគ និងវាយតម្លៃព័ត៌មាន ទាំងនេះគឺជាអ្នកទុក្ករបុគ្គលដែលបានពលីជីវិតក្នុងសង្រ្គាមតស៊ូប្រឆាំងនឹងសហរដ្ឋអាមេរិក ដើម្បីសង្គ្រោះប្រទេសនៅតាមមូលដ្ឋានក្នុងខេត្ត។

បន្ទាប់ពីការអុជធូបរួចមក គណៈកម្មាធិការប្រតិបត្តិនៃគណៈកម្មាធិកាព្រះពុទ្ធសាសនាវៀតណាមនៃខេត្តបានប្រារព្ធពិធីសូត្រមន្តបួងសួងដល់ដួងវិញ្ញាណក្ខន្ធរបស់វីរយុទ្ធជនបានទៅកើតក្នុងទឹកដីដ៏បរិសុទ្ធ និងដើម្បីសន្តិភាពជាតិមាតុភូមិ។

ពិធីបួងសួងដល់ដួងវិញ្ញាណក្ខន្ធ វីរជន ទៅកាន់សុគតិភព កុំបីឃ្លៀងឃ្លាតឡើយ។ រូបថត៖ Truong Hien

ពិធីចុះសួរសុខទុក្ខ គោរពវិញ្ញាណក្ខន្ធ បូជាសពយុទ្ធជនពលី និងអុជធូបរំលឹកគុណូបការៈ យុទ្ធជនពលី នឹងប្រព្រឹត្តទៅយ៉ាងឱឡារិក ដោយគណៈកម្មាធិការបក្សខេត្ត-ក្រុមប្រឹក្សាប្រជាជន-គណៈកម្មាធិការប្រជាជន-គណៈកម្មាធិការរណសិរ្សមាតុភូមិវៀតណាម នាព្រឹកថ្ងៃស្អែក (២៧ សីហា) ក្នុងឱកាសខួបលើកទី៨០ នៃទិវាបុណ្យជាតិនៃសាធារណរដ្ឋសង្គមនិយមវៀតណាម។

ពិធីគោរពវិញ្ញាណក្ខន្ធ ក៏ជាឱកាសមួយសម្រាប់មនុស្សជំនាន់បច្ចុប្បន្នចងចាំនូវប្រពៃណី និងសីលធម៌ដ៏ប្រពៃនៃ “ពេលផឹកទឹក នឹកឃើញប្រភព” របស់ប្រជាជនវៀតណាម ព្រមទាំងថ្លែងអំណរគុណយ៉ាងជ្រាលជ្រៅចំពោះវីរៈភាពយុទ្ធជនពលីដែលបានធ្លាក់ក្នុងបុព្វហេតុរំដោះជាតិ និងការបង្រួបបង្រួមជាតិ។

លោក Tran Canh

ប្រភព៖ https://baodongnai.com.vn/xa-hoi/202508/tuong-niem-cau-sieu-anh-linh-cac-anh-hung-liet-si-b7b1d9d/