គ្មានសញ្ញាណាមួយដែលកូរ៉េខាងជើងផ្គត់ផ្គង់សព្វាវុធឱ្យរុស្ស៊ីទេ ក្រុងព្យុងយ៉ាង «នឹងបង់ថ្លៃ» បើធ្វើបែបនេះ

កាលពីថ្ងៃទី៥ ខែកញ្ញា ទីប្រឹក្សាសន្តិសុខជាតិអាមេរិក លោក Jake Sullivan បានអំពាវនាវឱ្យកូរ៉េខាងជើងកុំផ្តល់អាវុធដ៍សាហាវណាមួយដល់រុស្ស៊ី ដោយសង្កត់ធ្ងន់ថា ទីក្រុងព្យុងយ៉ាងនឹងបង់ថ្លៃប្រសិនបើខ្លួនសម្រេចចិត្តធ្វើដូច្នេះ។

Nhà lãnh đạo Triều Tiên Kim Jong-un và Bộ trưởng Quốc phòng Nga Sergei Shoigu tại một cuộc triển lãm vũ khí ở Bình Nhưỡng trong tháng 7

មេដឹកនាំកូរ៉េខាងជើង លោក គីម ជុងអ៊ុន និងរដ្ឋមន្ត្រីការពារជាតិរុស្ស៊ី លោក Sergei Shoigu នៅឯពិព័រណ៍អាវុធក្នុងទីក្រុងព្យុងយ៉ាង ក្នុងខែកក្កដា ឆ្នាំ២០២៣។ (ប្រភព៖ Reuters)

យោងតាមទីប្រឹក្សា Jake Sullivan មិនមានសញ្ញាណាមួយដែលថាទីក្រុងព្យុងយ៉ាងបានផ្គត់ផ្គង់សព្វាវុធក្នុងបរិមាណច្រើនដល់ទីក្រុងមូស្គូនោះទេ ប៉ុន្តែការចរចាររវាងប្រទេសទាំងពីរកំពុង "រីកចម្រើនជាវិជ្ជមាន"។

លោក Sullivan បាននិយាយនៅក្នុងសន្និសីទសារព័ត៌មានមួយនៅសេតវិមានថា "យើងនឹងបន្តនិយាយ ហើយយើងនឹងបន្តអំពាវនាវឱ្យកូរ៉េខាងជើងគោរពតាមការប្តេជ្ញាចិត្តជាសាធារណៈរបស់ខ្លួន មិនឱ្យផ្តល់អាវុធដល់រុស្ស៊ី។

មុននេះ មានសេចក្តីរាយការណ៍ថា មេដឹកនាំកូរ៉េខាងជើង លោក គីម ជុងអ៊ុន ប្រហែលជានឹងកំពុងពិចារណា ដំណើរទស្សនកិច្ចទៅកាន់ប្រទេសរុស្ស៊ី ដើម្បីជួបជាមួយប្រធានាធិបតី វ្ល៉ាឌីមៀ ពូទីន និងពិភាក្សាអំពីកិច្ចព្រមព្រៀងអាវុធរវាងប្រទេសទាំងពីរ។

ទីប្រឹក្សា Sullivan បានបញ្ជាក់ពីផ្នែកខ្លះនៃព័ត៌មានខាងលើ នៅពេលនិយាយថា មេដឹកនាំកូរ៉េខាងជើងរំពឹងថានឹងមានទំនាក់ទំនងកម្រិតខ្ពស់ជាមួយរុស្ស៊ី រួមទាំងនៅកម្រិតថ្នាក់ដឹកនាំផងដែរ។

កូរ៉េខាងជើងមិនទាន់ធ្វើអត្ថាធិប្បាយនៅឡើយទេ ខណៈដែលវិមានក្រឹមឡាំងបានបដិសេធមិនបញ្ជាក់ពីព័ត៌មាននេះ។

មុននេះ អ្នកនាំពាក្យក្រសួងការបរទេសអាមេរិកបានព្រមានថា ប្រទេសនេះនឹងចាត់វិធានការប្រឆាំងនឹងប្រទេសណាមួយដែលគាំទ្រយុទ្ធនាការ យោធា ពិសេសរបស់រុស្ស៊ីនៅអ៊ុយក្រែន។

លេខាធិការសារព័ត៌មានមន្ទីរបញ្ចកោណ លោក Pat Ryder បាននិយាយថា កិច្ចព្រមព្រៀងសព្វាវុធរវាងទីក្រុងព្យុងយ៉ាង និងទីក្រុងមូស្គូ នឹងរំលោភលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិមួយចំនួន។

លោក Ryder បាននិយាយថា "យើងអំពាវនាវឱ្យកូរ៉េខាងជើងជៀសវាងការលក់គ្រាប់រំសេវ និងសព្វាវុធទៅឱ្យប្រទេសរុស្ស៊ី ដែលនឹងធ្វើឱ្យជម្លោះនេះអូសបន្លាយដោយមិនចាំបាច់" ។

ប្រភព